کوپړۍ: څلورمه برخه

کوپړۍ اوس په بله منصوبه سوچ کوی :

(( کوپړۍ خپل اُصولِ یوګایی په استعمال کي راولی او په هوا کي یو داسې روغتون جوړ کړی کوم کي چي د هر مرض علاج کيدائشی. دا روغتون د مرګ علاج هم لری او د مریض هر خواهيش پوره کولي شی. مریض ته د دې ضرورت نه پيخيګی چي د دې روغتون دپاره د یو ملک نه بل ملک ته لاړ شی بلکي دا روغتون لکه د لوی ديوال په ټوله مځکه خور وی. ځای په ځای دروازي لری. روغتون ته د ننوتو یوه او بهر ته د تلو بله لار وی. په دې روغتون کي مریض ته داکتران او نرساني د خپل محبوب په شکل کي ښکاری. علاج په دې روغتون کي مفت وی.

هغه خلق چي کينسر يې وی، د دې روغتون نه د راوتو سره د کينسر نه خلاص شی. د ايډز مریضان د ايډز نه روغ شی. ګوډیانو ته مات لاسونه او پښي ملاو شی. ړندوان په سترګو روغ شی. زاړه خلق بیا ځونان شی. چي څوک بچی نه لری ده هغو بچی وشی او نالائقه خلق د خو ذهنونو خاوندان شی.

مرګ د هميشه هميشه له پاره ختم شی، یو نه ختميدونکې ژوندون ټولو خلقو ته ملاو شی. د هرچا هر خواهيش پوره شی. ځنې خلق وغواړی چي ډير زامن يې وشی. څوک زړه ته نیزدې مړی بیا راژوندی کړی. څوک په دې لوی کائنات کي د یوي کِهکشا نه بلي کِهکشا ته لاړ شی. انسان لکه د وائرس په شان په ټول کائنات کي خور شی.

هغه خلق چي په تاریخ کي د جنګیالانو نه متاثره وی، دوی خواهيش اوکړی چي په ټوله نړي خپل حکومت اوکړی. دا خلق د دې روغتون نه د راوتو سره په جنګ شی او ټوله مځکه فتح کؤل شورو کړی. کوم خلق چي د فلاسفرانو نه متاثره وی، نوي فلسفي مخي ته راوړی. سوله راوستونکی خلق په نړي کي امن راوستو کی کامیاب شی. مسلمان په ټوله دنیا کي اسلام خور کړی، عسائی عسائت خور کړی، یهودی یهودئت خور کړی. د هر مذهب خلق خپله عقیده صحیح او پردي غلطي ثابتي کړی.

خو مګر دا کله کيدائشی چي جنګیالی دا اووایی چي موږ په ټوله نړي قبضه اوکړه، سوله راوستونکی خلق دا اووایی چي موږ سوله راوسته، مسلمان د اسلام، عسائ د عسائت، یهودی د یهودیت او په ټولو نورو مذهبونو یقین لرونکی د خپلو عقیدو د صحیح توب دعاوه اوکړی. او هغه خلق کوم چي د زړه پوري نیزدې خلق په خنت او دښمنان په دوزخ کي لیدل غواړی، ځنې خلق جنت ته او ځنې دوزخ ته اوليګی.

دا کيدائشی. د انسانانو به کاپیاني (ډوبلیکيټ) جوړي شی. متوازی کائناتونه ( پرلل یونیورسز) به په وجود کي راشی. جنګیالئ به په داسي یو کائنات کي اوسيګی چرته چي به ټول خلق د ده محکوم وی. سوله راوستونکئ به په یو بل کائنات کي اوسيګی، په دې کائنات کي به ټول خلق په امن اوسيګی. مسلمانان به په یو بل کائنات کي اوسيګی. عسائان، یهودیان او د نورو ټولو مذهبونو خلق به په جودا جودا متوازی کائناتونو کي اوسيګی. د هر چا خواهيش به پوره شی او هره عقیده به صحیح ثابته شی.))

کوپړۍ د دې خیالی روغتون منصوبه هم رد کړی.