خیبر جرګه

جمرود (سعید زمان اپریدئ): صوبائی حکومت اور پشتون قومی جرگہ منتظمین کے درمیان کامیاب مذاکرات کے بعد آج جمرود غنڈی ریگی للمہ کے مقام پر پشتون قومی جرگے کے لئے ہزاروں کی تعداد میں لوگ پنڈال پہنچے تاہم انتظامات پورے نہ ہونے کے باعث بروز جمعہ پشتون قومی جرگہ کا مکمل آغاز نہ ہوسکا جبکہ اس کا باقاعدہ اور مکمل آغاز آج یعنی ہفتہ کے روز سے ہو رہا ہے جن میں بڑے بڑے سیاسی لیڈر اور قبائیلی مشران تقریر کرینگے ۔تفصیلات کے مطابق صوبائی حکومت اور مزکورہ جرگہ کے مشران مزاکرات ہوئے جس میں وزیر اعلی خیبرپختونخوا علی آمین گنڈا پور، سپیکر صوبائی اسمبلی،صوبائی وزراء،اپوزیشن جماعتوں کے ایم پی ایز،ایم این ایز،مختلف سیاسی جماعتوں کے نمائندگان شریک ہوئے جبکہ پشتون عوامی جرگے سے منظور احمد پشتین،قومی مشر ملک نصیر احمد کوکی خیل سمیت دیگر عہدیداران شریک ہوئے ہیں۔صوبائی حکومت اور پشتون قومی جرگہ مشران کے درمیان کامیاب مذاکرات کے بعد پشتون قومی جرگہ منتظمین کو جرگے کا انعقاد کی اجازت دی گئی جس کے بعد آج جمرود غنڈی ریگی للمہ کے مقام پر پشتون قومی جرگے کے لئے باقاعدہ انتظامات شروع ہوئے اور ہفتہ کے روز بڑے پیمانے پر جرگہ ہوگا۔
وزیر اعلی خیبرپختونخوا علی آمین گنڈا پور اور گورنر خیبر پختونخوا فیصل کریم کنڈی نے کمشنر پشاور ریاض محسود اور ڈپٹی کمشنر خیبر کیپٹن ریٹائرڈ ثناءاللہ سمیت دیگر متعلقہ حکام کے ہمراہ پشتون قومی جرگہ سائڈ کا دورہ کیا اور انتظامات کا جائزہ لیا۔
وزیر اعلی خیبرپختونخوا اور گورنر خیبرپختونخوا کے احکامات پر پی ڈی ایم اے کے جانب سے پشتون قومی جرگے منتظمین کو 500 خیمے اور جنریٹر حوالے کردئے گئے ہیں۔پشتون قومی جرگہ پنڈال میں عیدی فاونڈیشن اور الخدمت فاونڈیشن کے جانب سے ایمبولینس سروس بھی فراہم کی گئی ہیں